Kulturna stolica druhdźe

Wurězk z oficialneho loga při požadanju wo nominaciju Zhorjelca jako "Kulturna stolica 2010".

Dźensa wozjewi juryja europskeje komisija w Brüsselu, zo nominuje so Essen zhromadnje z madźarskim městom Pecs jako kulturna stolica Europy 2010. Z tym drje je jasne: Město Zhorjelc tutón titul njedóstanje.

Zhromadna prezentacija pólskeho a němskeho dźěla města steješe symbolisce za zrosćenje Europy. Tež Serbja běchu so za wuzwolenje Zhorjelca angažowali.

Měšćanosće wot kónca 2. swětoweje wójny pačeneho města, Joachim Paulick a Mirosław Fiedorowicz, reagowaštaj na tutu powěsć ze sćěhowacej deklaraciju:

»Gratulujemoj našemu konkurentej k dócpětemu cilej a smój sej wěstaj, zo zjednoćitaj Essen a Poruhrska swoje wulke potenciale k wjelorakemu programej za 2010. Wuraznje chcemoj so za fairne a kolegialne wubědźowanje podźakować a přejemoj sej, zo so dobre poměry, kotrež su so natwarili, tež nadal pokročuja.«

Oficialne stronki Zhorjelskeje prezentacije: http://www.goerlitz2010.de/