Měšćanska knihownja tež serbsce w syći

Wurězk z internetoweje prezentacije. Wjace? Tu kliknyć!

Serbskorěčne poskitki zarjadnišćow w syći su – wothladajo wot někotrych chwalobnych wuwzaćow – hišće dosć rědke. Hižo z tuteje přičiny je poskitk měšćanskeje knihownje we Warnoćicach zajimawy. Tam poskićuja swoje posłužby w čěšćinje, ale tež pólsce, němsce, jendźelsce a serbsce.

Předstajeja so jednotliwe wotrjady biblioteki. Tež stawizny knihownje su kompletnje w serbšćinje přistupne. Wosebity serbski tematiski dypk su informacije wo swjedźenjach serbskeje poezije.

Serbsku internetowu prezentaciju knihownje namakaće pod adresu www.mkvdf.cz/ls.