22.06.2006
Fabian Kaulfürst, Budyšin
Kónc za čěske mustwo
Kónc za narodnu wubranku Čěskeje republiki. Hrajerjo z Čech a Morawy dyrbja nětko swoje zmachi pakować.
Tradicionalnje hori so tež wjele Serbow za mustwo našich čěskich susodow. Tež w młodźinskich forumach bě zašłe dny husto čitać: Čěska budźe swětowy mišter! Bohužel z toho ničo njebu.
Wubranka hrajerjow z Morawy a Čech přěhra třeću hru předkoła přećiwo Italskej z 0:2. Prěnje wrota za Južnoeuropčanow třěli Camoranesi a wo druhe postara so Inzaghi. Chowancy trenera Brücknera, kotřiž hižo do toho w hrě přećiwo Ghanje přeswědčić njemóžachu, dyrbja nětko swoje zmachi spakować a so do domizny wróćić.