Skok na hłownu stronu

Wurězk z nastawka wo třěchach w hornjoserbskej wikipediji. Powjetšić? Tu kliknyć!

Njedawno informowaše runjewonline.info wo załoženju syćoweho leksikona "Wikipedija" w serbšćinje. Serbski kompendij wobsahuje mjeztym wjace hač 100 nastawkow a docpě tak skok na hłownu stronu wikipedia.org.

W kategoriji 100+ steji nětko, pódla wotkazow na samsny projekt w kirgizišćinje, mongolšćinje, kazachšćinje a dalšich rěčach, potajkim tež słowo "Hornjoserbsce". Tłóči-li wopytowar na wotkaz, wočini so jemu hłowna strona serbskeje wikipedije.

Chceće projekt podpěrać a ze swojej wědu serbski online-leksikon rozšěrjeć? Pohladajće tu: hsb.wikipedia.org!

Tež delnjoserbska wikipedija, tuchwilu hišće testowa wersija, hotuje so na swój oficialny zazběh.