Serbja we wobłuku "Němska - kraj idejow"

Jednaćel Domowiny Bjarnat Cyž wobdźěli so dźensa w Berlinje na přijeću zwjazkoweho prezidenta Horsta Köhlera za zastupjerjow 365 wubranych městnow, kiž su so wuspěšnje na wubědźowanju „Němska – kraj idejow“ wobdźělili.

Přijeće wotmě so w Muzeju za komunikaciju w Berlinje, hdźež zdobom wustajeńcu wšěch wubranych městow wotewrěchu. Wubědźowanje přewjedźe so składnostnje lětušich swětowych mišterstwow w kopańcy pod patronatstwom Köhlera. Domowina bě so z konceptom „Europa z hosćom we Łužicy“ składnostnje 51. kongresa Federalistiskeje unije narodnych mjeńšin kónc meje w Budyšinje wuspěšnje požadała.

Kampanja so klětu w změnjenej strukturje, a to w zamołwitosći nošerskeho towarstwa (Trägerverein) pokročuje. Mjez 1500 požadarjemi z cyłeje Němskeje je so zaso 365 projektow wupytało, mjez nimi je 16 ze Sakskeje.

Dalše informacije pod:

http://www.land-der-ideen.de