19.01.2007
Domowina - Zwjazk łužiskich Serbow, Budyšin
Nawodźa serbskich institucijow wuradźowali
© Tomaš Šołta
Wurězk z wabjenskeho plakata 2. wikow za dorost. Wobraz powjetšić? Tu tłóčić!
W přihotach na 2. wiki za dorost, kotrež wotměja so dnja 28. januara popołdnju w Domje biskopa Bena w Smochćicach, zetkachu so dźensa w Budyšinje načolniki a zastupjerjo serbskich institucijow.
Wšitcy běchu sej wo zhromadnej potrjebje prawidłowneho dźěła na polu kubłanja fachoweho dorosta přezjedni a sebi swojeje zamołwitosće wědomi. W přichodźe chcedźa prawidłownje rozmołwy kruh načolnikow serbskich institucijow pod nawodom předsydy Domowiny přewjesć, zo bychu so w zhromadnych naležnosćach dorozumili.