Namołwa do diskusije dźěłowych směrnicow

Wjele korjenjow a zhromadny zdónk - symboliske znamjo třěšneho zwjazka Łužiskich Serbow.

13. hłowna zhromadźizna Domowiny, kotraž wotměje so dnja 31. měrca w Kulowje, změje tež nadawk wobzamknyć nowe dźěłowe směrnicy. Aktualizowany naćisk dźěłowych směrnicow je so dźensa na internetowej stronje třěšneho zwjazka www.domowina.de wozjewił.

Wón wobsahuje namjety za předewzaća na polomaj kubłanja a kultury runje tak kaž wuprajenja k rjadowanju nadawkow a struktury Domowinskeho a załožboweho zarjada, za hospodarske a infrastrukturelne naležnosće a zjawnostne dźěło.

Prěni naćisk je so wšěm župam a specifiskim čłonskim towarstwam w januarje k dispoziciji stajił. Delnjoserbski tydźenik Nowy Casnik přihotuje wozjewjenje w delnjoserbskej rěči. Wšitcy čłonojo Domowiny a jej přisłušach towarstwow maja z tym składnosć, so informować a słowa jimać.

Namjety prošu adresować na:

Zarjad Domowiny

Póstowe naměsto 2

02625 Budyšin

e-mail: domowina-bautzen@sorben.com

abo:

Zarěd Domowiny

Augusta Bebelowa droga 82

03046 Chóśebuz

e-mail: domowina-cottbus@sorben.com