wućišćeć | pósłać

Spěchowanski kruh za serbsku ludowu kulturu z.t., Budyšin – 19.03.2007

Wubědźowanje wo najrjeńše jutrowne jejko

Sobučinić!

Spěchowanski kruh za serbsku ludowu kulturu z.t. namołwja wšitkich šuleri, młodostnych, wučomnikow a studentow (hač do 24 lět), so na wubědźowanju wo najrjeńše serbske jutrowne jejko 2007 wobdźělić.

Kotre techniki so preměruja:

- wóskowanska technika / jedno- a wjacebarbna

- škrabanska technika

- wužrawanska technika

- wóskowa-bosěrowanska technika / jedno- a wjacebarbny wósk

Jenož h. mj. techniki přińdu do wuhódnoćenja a dyrbja so z tradicionelnymi

srědkami zhotowić (pjerja, jehlički, nóž za škrabanje).

Kelko jejkow dyrbi so zapósłać:

- 2 jejce za jednu kolekciju (jenož čisće wudute jejka so hódnoća)

- kóždy připósłar móže so z wjacorymi technikami na wubědźowanju wobdźělić

Kotre daty su trěbne:

- mjeno a dokładna adresa zapósłarja

- staroba zapósłarja, dokelž mytuje so po starobnych klasach

Hdy a hdźe smědźa so wubědźowanske kolekcije zapodać:

- kónc zapodaća (póstowy kołk) 11. 04. 2006

abo wotedać

- w Serbskej kulturnej informaciji w Budyšinje,

Póstowe naměsto 2

- w Serbskej kulturnej informaciji ”Lodka” w

Choćebuzu, Awgust-Bebelowa 82

- w běrowach Domowiny z.t. w Slepom, Měrowa 65, we Wojerecach,

Drježdźanska 18, w Chrósćicach, Při pastyrskim žórle 4

Na čo by so dyrbjało při zhotowjenju serbskich jutrownych jejkow dźiwać:

- zo so tuta bohata tradicija w dekorje a barbje z idejemi wariěruje, n. př.

* přez geometriske formy – třiróžki, štyriróžki, kruhi ale tež smužki

* přez naturalistiske a stilistiske motiwy - kćenja, ranki, łopjena (bołmina, sněhowki)

* přez symbole a napisy

Kotre myta móža so dobyć

Kóždy wobdźělnik so pisomnje informuje a dobyćerjo dóstanu wopismo – podpisane wot wuhotowarja wubědźowanja - Spěchowanskeho kruha za serbsku ludowu kulturu z. t. (Załožba za serbski lud

podpěra projekt financjelnje).

Pjenježne myta wariěruja po starobje mjez 10,00 eurami do 25,00 eurow.

Nimo toho je młodźinske spěchowanske myto we wysokosći 75,00 eurow předwidźane.

Dobyćerjo so přez wěcywustojnu jury wuzwola, prawizniski puć je wuzamknjeny.

Što budźe z preměrowanymi jutrownymi jejkami:

Wšitcy dóstanu swoje kolekcije wróćo.

Młodźinske spěchowanske myto so njewróći, ale wustaja so z dobyćerskimi kolekcijemi dorosćenych.

Nadźijamy, zo so wjele šulerjow a młodostnych na wubědźowanju wobdźěli a wjeselimy so hižo na Waše twórby.

Chceće swoje měnjenje k tutemu přinoškej wozjewić?
Wobdźělće so na našej diskusiji!