07.05.2007
Fabian Kaulfürst, Budyšin
Po dwěmaj lětomaj
Do redakcije runjewonline.info dóńdźe medijowa informacija europskeho běrowa pólskeho zapósłanca Sylwestra Chruszcza, w kotrejž připowědźi so zawrjenje institucije.
We wozjewjenju so ničo wo přičinach za rozsud njepraji. Tež konkretny datum so njemjenuje.
Zapósłanc Ligi polskich rodzin (LPR) bě běrow hłownje jako městnosć załožił, hdźež móhli Serbja, kotřiž so za mjeńšinowu politiku zajimuja, kontakt nawjazać. Po medijowej informaciji podpěraše běrow wjacore iniciatiwy za škit serbskeje rěče a kultury.