25.07.2007
Přihotowanski wuběrk festiwala Łužica 2007, Budyšin
Festiwal "Łužica 2007" zakónčeny
© Michael Ruppert
Dźěći ze Slepoho při swojim wustupje na VII. mjezynarodnym folklornym festiwalu "Łužica 2007" w Chrósćicach.
Dźakujemy so na tutym puću wutrobnje wšitkim, kotřiž su k wuspěšnemu poradźenju přinošowali. Bjez njeličomnych pomocnych rukow před a za jewišćami kaž tež na burskich dworach w Hochozy a Chrósćicach njeby tajki wuspěšny wotběh móžny był.
W mjenje 250 wukrajnych hosći kaž tež 400 tukrajnych wuměłcow dźakujemy so za wopokazanu hospodliwosć a wutrobite přijeće. Runje tak słuša dźak publikumej zbliska a zdaloka, kotryž z bohatym přikleskom wuměłcow pohonjowaše a bohaće mytowaše.