Mějće sćerpnosć ...

Sćerpnosć je so wupłaćiła! Wobraz powjetšić? Tu kliknyć!

... smy płódni! Z tutym hesłom wabjachu za čas Chróšćanskeho zběžka młodźi Serbja pola politikarjow wo to, zo njebychu so přechwatane rozsudy tworili. Mjeztym je cyła šwita z tych, kotřiž tehdy z plakatami a najwšelakorišimi idejemi za zdźerženje Chróšćan šule wojowachu, swójby załožiła.

Na tónle fakt skedźbni we wobłuku Chróšćanskeho festiwala iniciatiwna skupina "Naše šule - šule za žiwjenje" z originelnej akciju. Dźěći rozdźělichu pohladnicy, na kotrychž je widźeć plakat z lěta 2001, za kotrymž pak su widźeć nowe mjezwoča - najmłódša generacija. Myslička so wot wšitkich pozitiwnje a z posměwkom přiwza.

Z pohladnicu skedźbnja iniciatiwna skupina zdobom na internetowe stronki www.zornjatko.de, na kotrychž so angažowani znowa přećiwo zawrjenju serbskich šulow wuprajeja.

Internetowa prezentacija dokumentuje z fotografijemi mj. dr. mnóstwo dorosta na festiwalu.