Zjawny list

Předsyda Domowiny protestuje w mjenje Domowiny a Serbow ze zjawnym listom přećiwo njewoprawnjenym twjerdźenjam ministerki Eva-Maria Stange.

Sakske nowiny wozjewichu 8. januara interview ze sakskej statnej ministerku za wědomosć a wuměłstwo, knjeni Evu-Mariju Stange. W nim wumjetuje so mj. dr. Serbam, zo blokěruja pruwowanje móžnosćow eficientnišich strukturow. W zjawnym lisće pokaza nětko předsyda Domowiny Jan Nuk na to, zo zawini tutu blokadu we woprawdźitosći bój wo kompetency mjez Zwjazkom a krajemi.

Němsce předležacy zjawny list móžeće sej tu jako pdf-ku sćahnyć.

Problematiska běše tež forma wozjewjenja interviewa. W nim hraje serbska problematika dospołnje pódlansku rólu. Přiwšěm da nowinar wozjewjenju napismo, kotrež poćahuje so w přehnatej formje na pawšalne wumjetowanje ministerki Serbam.