Web w změnje

Nětko jako kniha: Diplomowe dźěło Felicitas Šefrichec. Wobraz powjetšić? - Tu kliknyć!

Diplomowe dźěło Felicitas Šefrichec předleži nětko tež jako kniha. Wušoł je spis studowaneje medijoweje informatikarki pod němskim titulom Web w změnje – nowe wobłuki wužiwanja dawno znatych technologijow w nakładnistwje VDM dr. Müller.

W 172 stron wopřijacej knize wobjednawa awtorka wuwiće interneta hač do najnowšich trendow a pokazuje na wažnosć syće tež za Serbow. Při tym wuwiwa rodźena Njebjelčanka koncepciju za interaktiwnu serbskorěčnu syćowu aplikaciju.

Za definiciju wobsahow a zaměrow wužiwaše wona wuslědki online-naprašnika, na kotrymž wobdźěli so wosebje čitarstwo našeho magacina (runjewonline.info rozprawješe).

Wědomostna publikacija hodźi so w internetowych knihownjach skazać a płaći 68 eurow.

Naš interview z awtorku móžeće tu čitać.

Jedyn z móžnych skazanskich wotkazow namakaće tu, ISBNowka je 978-3-8364-6008-8.

Tuchwilny staw projekta móžeće sej tu wobhladać. (Dla pobrachowaceho časa funguje to tučasnje jenož w Mozilla Firefox porjadnje.)