k startowej stronje | archiw | impresum | kontakt
pjatk, 25.07.2008 | k dolnoserbskej wersiji
K pokazanemu přinoškej
Partnerske linki
Dalše přinoški
Iniciatiwna skupina zawodnych a personalnych radow serbskich institucijow, Budyšin – 07.05.2008
Demonstracija 29. 5. 2008
Do Berlina!
Naš protest, kiž smy dnja 17. měrca po hasach Budyšina demonstrujo zwuraznili, njejsu zamołwići prawdźepodobnje słyšeli. Tohodla wospjetujemy swoje žadanja a pojědźemy do Berlina.
Namołwjamy wšitkich Serbow a přećelow Serbow, wšitkich čłonow serbskich towarstwow kaž tež wšitkich přistajenych serbskich institucijow k zhromadnej manifestaciji.
Žadamy sej wotzamknjenje dołhodobneho financneho zrěčenja mjez Zwjazkom, Braniborskej a Sakskej, kotrež projektowe a institucionelne spěchowanje serbskeje rěče a kultury w dosahacej wysokosći garantuje a stupace kóšty wobkedźbuje.
Wobaramy so přećiwo wukrawjenju serbskeje rěčneje a kulturneje krajiny. Přitřihanje budgeta Załožby za serbski lud wjedźe wšitke prócowanja a wuspěchi zašłych lět ad absurdum. Wot Zwjazka planowane postupne redukowanje spěchowanskich pjenjez za serbske projekty a institucije potrjechi kóždeho Serba! Bjez profesionelneje podpěry njemóža na přikład serbske lajske rejwanske, spěwne a dźiwadłowe skupiny swój wysoki niwow wobchować, njemóža serbske knihi, nowiny a časopisy za wšitke starobne skupiny wuchadźeć.
Žadamy sej wot politikarjow, zo bychu ze Serbami, awtochtonej mjeńšinu w Němskej, z respektom wobchadźeli!
Zetkamy so štwórtk, 29. meje 2008, w 15.45 hodź. w Berlinje
na Augusta Bebelowym naměsće / Pod Lipami (Unter den Linden).
Busy so staja, jězbne kóšty 10 eurow; přizjewjenja do 15. meje 2008 pod:
SKI Budyšin 03591-550 111 abo: petrowa-stiftung@sorben.com
Lodka Chóśebus 0355-48 576 468 abo stiftung-lodka@sorben.com
Regionalny běrow Domowiny w Slěpem 035773-76 153
Busy wotjědu w Budyšinje w 11.30 hodź. (konkretne městno so hišće wozjewi). Štóž chce z Chrósćic abo Pančic jěć, njech to w Serbskej kulturnej informaciji w Budyšinje zdźěli.
Chceće swoje měnjenje k tutemu přinoškej wozjewić?
Wobdźělće so na našej diskusiji!