Pólsko - serbske kontakty

Za wětšy wobraz how kliknuś! W galeriji namakajośo teke dalšny wobraz.

W pólskem Goleniowje su 25. 9. 2008 pśi góźbje pócesćenja gmejny pśez Europsku radu za dobre zgromadne źěło z wukrajnikami nastajili tofle, na kótarychž informěruju wó swójich partnarjach. Na jadnej z toś tych toflow, kótarež su dostali cesne městno pśed cerkwju swěteje Katariny, namakaju se teke informacije wó Serbach.

Cytaŕ zgónijo něco wó rěcnem teritoriumje, wó górno- a dolnoserbskej rěcy a dalšne fakty.

Mimo togo pokažo se teke na źěłabnosć pólsko-serbskego krejza pśi Goleniowskem gymnaziumje fararja Jana Twardowskiego, kótaryž eksistěrujo wót januara 2007.