Wo migraciji Serbow

Na zapadočěskej uniwersiće w Plzni studuje socialnu a kulturnu antropologiju a zajimuje so za Serbow – Tereza Dvořáčková. 24-lětna pochadźa z Kostelca u Křížků njedaloko Prahi. Za swoje bakalarske dźěło je sej wuzwoliła zajimawu problematiku:

Je migraciske zadźerženje Serbow a (wuchodnych) Němcow podobne, abo je wone wot specifiskeho połoženja mjeńšiny wowliwowane?

K wuspěchej dźěła móžeja tež čitarjo runjewonline.info přinošować. Kak? Prosće naprašnik (w rtf-formaće) wupjelnić a studentce wróćić. Jeje e-mailowu adresu namakaće w naprašniku.